ليه Yallamission مناسب لكل Business Owner؟

  1. Home
  2. Global Networking
  3. Article detail
ليه Yallamission مناسب لكل Business Owner؟

قبل أن نبدأ الحديث عن أي شيء، نود أن نعرفك من هم يلا ميشن ، ما هو الشيء المختلف اللذي نقدمه عن باقي منصات العمل المستقل.

نحن ببساطة نقدم للأفراد الذين يعملون بدون مؤسسات وشركات فرصة للنجاح كموظفين مستقلين في مجال التسويق الإلكتروني، و ستجد خدمات مثل كتابة المحتوى، والتصميم، والتسويق، وما إلى ذلك. نحن نعتبر أن فريقنا في مهمة توفير الفرص الاقتصادية لمجتمعنا المستقل من العمال المؤهلين الذين يحققون حلمهم في العمل من خلال توفير مكان للتواصل مع أرباب العمل المرموقين لدينا من الشرق الأوسط. نحن نضمن لك مستوى عاليًا من المشاريع عالية الجودة.

 ايه اللي يخلي يلا ميشن تتميز عن اي منصة فري لانسينج تانية؟

احنا اول منصة متخصصة للفري لانسرز في مجال التسويق الالكتروني.

“طب ما شركات ووكالات التسويق موجودة، ايه اللي يخليني اتجه لفري لانسر؟”

في اسباب كتير جداً تخليك تفضل انك تعين فري لانسر عشان يسوق لشركتك او لمشروعك عن انك تروح لشركة تانية متخصصة في التسويق.

الشغل تحت ضغط مستمر واحياناً عدم توفر وقت كافي لأتمام جميع المشاريع

شركات ووكالات التسويق بتشتغل مع اكثر من عميل، وده ممكن يجي على مشروعك انت ويتنفذ تحت وقت اضيق من اللي مشروعك محتاجه، وبالتالي ده ممكن يتسبب ان نتايج التسويق لمشروعك ماتكنش مرُضية ويهدم سقف توقعاتك.

سعر شركات ووكالات التسويق هيكون واخد اكثر من ثلاث اضعاف سعر الشغل والجهود اللي هيتم بذله على مشروعك

خلينا نقول ان عندك شركة صغيرة و قررت تستثمر فيها بأنك تزود ميزانية تسويق وإعلانات الشركة، وقررت مثلاً انك محتاج تعمل لشركتك موقع إلكتروني يليق بشكلها ويوصل رسالتها للعملاء والمستخدمين وكمان  يسهل وصول العملاء ليك. وقررت كمان انك عايز تعمل حملة تسويقية و تزود اعلانات واخذت قرار انك هتتجه إلى شركة من شركات التسويق عشان يعملولك كل ده، على اساس انه هيكون اسهل لو عملت كل ده في مكان واحد بس حط في اعتبارك انت هتدفع فلوس لفريق كامل بمختلف أنواع الخبرات، وطبعاً بيكون في سعر معين ثابت للمرتبات وبيتم زيادة تكاليف الخدمات اللي هتقدمها لك الشركة. وكل ما زاد حجم شركة التسويق المصاريف هتزيد لأن الشركات الأكبر عندها تكاليف عامة زي المساعدين الإداريين والإدارة العليا والمساحة المكتبية وما إلى ذلك. بحيث انك لو اتجهت للفري لانسرز، هيتم محاسبتك على سعر الخدمة فقط. وماتشيلش هم انت هتحتاج كام فري لانسر لأنك مش هتدور عليهم لوحدك. لأن منصتنا تم تطويرها بحيث إن دلوقتى تقدر تدخل بيانات مشروعك وكل التفاصيل اللى محتاجها، و على هذا الأساس بنوصلك بالفري لانسرز اللى عندهم الخبرة الكافية والإمكانيات اللى تضمنلك أعلى جودة وتتوافق مع متطلباتك وده لتجنب سوء التفاهم اللى ممكن يحصل بينك وبين الفرى لانسر وكمان عشان نوفر وقتك.

 

ممكن كمان تشتري خدمة معينة من الموظف المستقل المختص في المجال اللي بتدور عليه، مثال: لو بتدور على خدمة ترجمة لعدد معين من الصفحات او الكلمات تقدر تشتري الخدمة بدل توظيف الشخص لعدد ساعات معين والخدمة ديه بيكون ليها سعر ثابت مهما طالت ساعات العمل.

مرونة المواعيد والتكاليف

الفري لانسرز معروف عنهم المرونة في المواعيد بسبب عدم ارتباطهم بجدول زمني محدد. وديه حاجة مش هتلاقيها في شركات التسويق لأن اغلب الوقت بيكونوا مرتبطين بجدول زمني معين بسبب كثرة المشاريع، وهيحتاجوا يعيدوا بناء جدولهم عشان مشروعك يكون ليه مكان وده بيخلي مواعيد التسليمات المطلوبة ضيقة جدأ، بالتالي لو قررت تغيير ميزانيتك التسويقية أو خطتك في منتصف المشروع ممكن الشركة ترفض طلبك او تفرض عليك رسوم إضافية للتعويض عن اي تغيير في نطاق جدولهم الداخلي.

بحيث ان الفري لانسرز بيتمتعوا بمرونة في المواعيد ولو حبيت تغير حاجة في المشروع او الميزانية  او خطتك التسويقية في اللحظة الأخيرة، هيتم التأقلم على ده بدون اي شكوة.

الخبرة

النقطة ديه ممكن تكون مفاجأة ليك، وهي ان المسوق الرقمي المستقل بيمتلك خبرة اكبر من الموظفين في شركة تسويق.

 

شركات التسويق عندهم فريق جاهز من المسوقين، وكتير منهم اشتغل مع عملاء كتير و ممكن كمان يكونوا اشتغلوا على علامات تجارية ذات أسماء كبيرة. ولكن، هل الأشخاص اللي شغالين على علامتك التجارية هم احسن ما تقدمه شركة التسويق؟ ممكن يكونوا خبراء في الإعلانات، لكن هل يعرفوا أي شيء عن تحسين محركات البحث أو التسويق عبر البريد الإلكتروني؟ هتعرف منين؟

 

من خلال موظف مستقل، خاصةً في منصة يلا ميشن ، تقدر تبحث عن خبير تسويق رقمي وتوظيفه يتمتع بخبرة محددة في نوع التسويق اللي هتحتاجه لمشروعك. محتاج خبير في تحسين محرك البحث؟ موجود بدل الواحد عشرة. محتاج خبير تسويق عبر وسائل التواصل الاجتماعي؟ موجود بدل الواحد عشرين.

 

خلاصة الكلام في النقطة ديه ان منصه يلا ميشن  متخصصة في التسويق الالكتروني بكل مشتقاته عشان تكون ضامن ان اللي بيسوق لشركتك او مشروعك متخصص في الخدمة المشتقة اللي انت محتاجها من التسويق الالكتروني. احنا هنساعدك، كصاحب عمل بيدور على مساعدة من موظف مستقل ذو كفاءة واحترافية لأننا بنضمنلك أعلى جودة وكفاءة ممكن تلاقيها لمشروعك وده لأن عندنا فريق مختص بيراجع كل مشروع قبل ما تستلمه من الفرى لانسر وبيضمن ان المشروع بيطابق كل إحتياجاتك و طلباتك.

 

التركيز = كفاءة عالية وجودة عالية

كلما كانت شركة التسويق اكبر، كلما قل تركيز موظفين الشركة عليك وعلى مشروعك. خاصةً لو كان عندك نشاط تجاري صغير نسبياً مقارنةً بمعظم عملائها. ده مش معناه ان نتيجة الشغل هتكون دون المستوى المطلوب، بس ممكن رأيك أنت كصاحب العمل عن الحملة التسويقية الخاص بيك ممكن يكون غير مُرجح لأن هيكون في فريق كامل شغال على مشروعك وفي الغالب انت مش هتقابل الناس الفريق ده بسبب ان جدولهم مليان وماينفعش ياخدوا من وقتهم للاجتماعات والمناقشات. 

 

ولكن مع الفري لانسر، هيكون ليك قدر ولو ضئيل للتواصل والتحكم في اللي انت عايزه. و الفري لانسر هيكون مرحب جداً برأيك كعميل ويسجل ملاحظاتك ويشتغل عليها لأن جدول شغله مش هيكون مزحوم زي جدول شركة التسويق. فا لو حابب يكون ليك تواصل مباشر مع الشخص اللي بيتحكم في صورة علامتك التجارية، الافضل انك تتعاقد مع فري لانسر عن انك تتعاقد مع شركة تسويق.

 

 في حاجتين كمان نحب نلفت نظرك ليهم:

 

انك تعين موظف مستقل ممكن يوفر لشركتك مبلغ ضخم من المال لأن التكاليف اللي هتحتاجها عشان توظف حد بدوام كامل في الشركة ممكن تكون اعلى من ميزانيتك او حساباتك، لو ميزانيتك محدودة الافضل انك تعين موظف مستقل وعشان كدا جمعنالك أفضل وأكفأ فرى لانسرز فى الشرق الاوسط في مكان واحد تقدر تختار منهم الأنسب لمشروعك واللى يقدر يحقق لك أعلى كفاءة من وجهة نظرك. واشتغلنا على حل كل المشاكل اللى كانت بتواجهك لما تيجى تعين فري لانسر في مجال التسويق الالكتروني سواء من ناحية التواصل، الجودة، أو حتى طرق الدفع.

 و اخر حاجة هنتكلم فيها عن منصة يلا ميشن هي مواعيد التسليم والمشاريع الطارئة اللي محتاجة تتم في اقل وقت ممكن، احنا بردو معاك مهما كان موعد تسليم مشروعك هنقدر بكل سهولة وفى أسرع وقت ممكن نوصلك مع الفرى لانسر المناسب اللى يقدر يخلص المشروع  فى الفترة الزمنية المطلوبة بدون الحاجة لأنك تضيع وقتك في البحث بنفسك.

وديه كانت اهم النقاط اللي تخلي يلا ميشن مفيدة لأي صاحب عمل، اعتبر منصة يلا ميشن كوكالة تسويق عبر الانترنت بأقل مجهود، أقل تكلفة وأعلى كفاءة.

YallaMission Freelance Platform

Author Since: September 21, 2021

Leave Your Comment